Húsið er nýuppgert í suðurevrópskum sveitastíl og tekur allt að 10 manns í gistingu, sem gerir húsið að góðum kosti fyrir litla hópa og fjölskyldur.

Góð staðsetning
Hrífunes er staðsett á Suðurlandi, á fallegum og friðsælum stað í Skaftártungu á milli Víkur í Mýrdal og Kirkjubæjarklausturs, um 230 km frá Reykjavík. Með 1-2 klst akstri er hægt að komast á fallega staði s.s. Jökulsárlón, Skaftafell, Reynisfjöru, Dyrhólaey ofl.

Stutt í hálendið
Frá Hrífunesi er stutt í báðar Fjallabaksleiðirnar (Fjallabak syðra  og Fjallabak nyrðra) þar sem nálgast má einstakar náttúruperlur s.s. Lakagíga, Langasjó, Landmannalaugar, Hvanngil, Mælifellssand, Strútslaug ofl.

Eigendur gamla samkomuhússins í Hrífunesi eru Hadda Björk Gísladóttir og Haukur  Snorrason ljósmyndari og eru þau jafnframt eigendur fyrirtækisins Iceland photo tours ehf., www.phototours.is sem sérhæfir sig í að bjóða upp á ferðir fyrir erlenda ljósmyndara sem og aðra ferðamenn.
Í Hrífunesi er einnig að finna fallegt tjaldstæði og gistiþjónustu í öðru húsi;  www.hrifunesgisting.is
Ýmsar upplýsingar um ferðaþjónustu á svæðinu: www.klaustur.is

Við óskum ykkur ánægjulegrar dvalar í Hrífunesi.